Ons het weer hulde gebring aan President Paul Kruger en die Volkshelde en heldinne wat in die konsentrasiekamp te Krugersdorp gesterf het. ‘n Opdrag uit die Woord is: “Eer jou Vader en jou Moeder, sodat jou dae verleng mag word in die land wat jou Skepper aan jou gegee het.”
Dit is ‘n saak wat die mense van vandag vergeet om te doen, want was dit nie vir ons voorouers nie, sou ons nie hier gewees het vandag nie.
Die verrigtinge is behartig deur Bertus Schwan, waarop die eerste spreker Rudie Rousseau was.
Bertus Scwhan
Rudie Rousseau is bekend daarvoor dat hy DVD opnames maak en versprei oor die al die konsentrasie kampe van die Anglo-Boere Oorlog 1899 – 1902. Hy het sy ervaringe met ons kom deel, in die maak van die hierdie DVD’s. Hy het uitgewei oor hoe die vrouens, kinders en die bejaarde mense van hulle plase af weg gevoer is na die konsentrasie kampe toe. Hierdie plase waar hierdie Boere ‘n bestaan gevoer het is vernietig deur die Engelse. Hy het ook vertel van die toestande wat geheers het in hierdie kampe en wat die mense alles moes deurmaak.
Rudie Rousseau
Die volgende spreker was Jan Diederiks. Jan het hulde gebring aan President Paul Kruger, deur die gedigte voor te lees van G.A. Watermeyer by name, Erfenis, ‘n Handvol grond en Oor baie waters, uit die digbundel: Die Republiek van duisend jaar.
Hy het ook meer vertel van die rol wat die Kerke gespeel het om die Boer Volk te vernietig.
Hy het benadruk dat ‘n Afrikaner nie ‘n Boer is nie en dat die konsentrasie kampe ‘n doelgerigte poging was om die Boere uit te wis. Milner se gebed was: “I’ll knock the bottom out, forever and ever, Amen.”
Omdat ons die vryheid deur ons vingers laat glip het gaan ons ‘n groter offer betaal as wat hierdie vrouens en kinders betaal het. Ons moet ‘n nuwe geloof kry wat weer die krag dra van ons voorsate.
Jan Diederiks
Bertus het ‘n oomblik van stilte gevra sodat elkeen vir homself kan bid. Daarna is afgesluit met die Transvaal se Volkslied.
Na die verrigtinge het almal blomme op die graffies van ons Volk se helde en heldinne gelê.
